Do‘stlar, yangi yil yaqinlashmoqda.

Bugun oppoq qorga burkangan ko‘chalar ham qalblarimizga bayram kayfiyatini olib kirdi.

Yaqinlar xursandchiligi uchun sovg‘alar tanlash, farzandlar quvonchi uchun xonadonlarni bezash, baxtiyor oilang borligini his qilish uchun Yangi yil dasturxoni atrofida jam bo‘lish, yana quvnoq kuy-qo‘shiqlar, qiziqarli o‘yinlar har birimiz intiqib kutayotgan eng yoqimli onlar, shunday emasmi?!

Bularning hammasini uddalash uchun bizga nima kerak? Albatta, vaqt va mablag‘.

Agar siz Yagona portal foydalanuvchisi bo‘lsangiz, hammasiga ulgurasiz. Yana naqdingizni ham tejaysiz.

Bayramni xotirjam o‘tkazish uchun hujjatlarni to‘g‘rilay, qarzlarni tezroq yopay, deb davlat idoralariga chopmaysiz, uzundan-uzun navbatlarda turmaysiz, ishni uyda bir piyola choy ustida ham bitiraverasiz.

Chunki my.gov.uz portalida joriy etilgan 300dan ortiq elektron xizmatlar aholimiz uchun yil mobaynida 24 soat davomida dam olishsiz ishlaydi.