My.gov.uz dagi “Koʻchmas mulk ijara shartnomalarini soliq organlarida hisobga qoʻyish (https://my.gov.uz/oz/service/376)” xizmati tufayli koʻchmas mulkni uydan chiqmagan holda ijaraga berish mumkin.

Xizmat mutlaqo bepul koʻrsatiladi. Koʻp vaqt ham olmaydi.

Muhimi, shartnomani har ikki tomon masofadan turib imzolaydi.

Buning uchun:

-Ijaraga beruvchi tegishli xizmatni tanlab, soʻralgan maʼlumotlarni toʻldiradi.

-Ijaraga oluvchiga identifikatsiya kodini yuboradi.

-Ijaraga  oluvchi ham tegishli xizmatni tanlab, soʻralgan maydonga identifikatsiya kodini yozish orqali arizani davom ettiradi.

-Shartnoma avtomatik ravishda tuziladi hamda uni yuklab olish imkoniyati mavjud.

Agar ijaraga turuvchi talaba boʻlsa, ijara toʻlovining 50 foizi qoplab beriladi (lekin qaytariladigan summa 1 BHM dan oshmasligi kerak). Uy egasining esa ijaraga berishdan olinadigan daromadiga soliq solinmaydi.