Ўзбекистон Республикаси Президентининг 2018 йил 11 апрелдаги “Тадбиркорлик фаолияти сохасидаги лицензиялаш ва рухсат бериш тартиб- таомилларини янада қискартириш ва соддалаштириш, шунингдек, бизнес юритиш шарт-шароитларини яхшилаш чора-тадбирлари тўғрисида”ги ПФ-5409-сон хамда 2018 йил 12 апрелдаги “Ўзбекистон Республикаси давлат божхона хизмати органлари фаолиятини тубдан такомиллаштириш чора-тадбирлари тўғрисида” ПФ-5414-сон фармонлари билан божхона органлари томонидан кўрсатиладиган айрим турдаги рухсат бериш тартиб-тамойилларини назарда тутувчи хизматлар бекор килиниши белгиланган.

Юкоридагилардан келиб чиқиб, Ягона интерактив давлат хизматлари портали оркали электрон тарзда Давлат божхона қўмитаси томонидан курсатилаётган қуйидаги хизматларнинг кўрсатилиши тўхтатилишини маълум қиламиз:

1. Божхона брокери сифатида фаолият олиб боришга рухсатнома олиш учун электрон ариза такдим этиш;
2. Юкларни вақтинча олиб кириш (чиқиш)га рухсат олиш учун электрон ариза тақдим этиш;
3. Реимпорт божхона режими остида товарларни жойлаштиришга рухсатнома олиш учун электрон ариза тақдим этиш;
4. Хорижий автомобилда юк ташувчилар автотранспорт воситасининг Ўзбекистон Республикаси ҳудудида харакатланиш йуналишларини ўзгартиришга рухсатнома олиш учун электрон ариза тақдим этиш;
5. Реэкспорт режимига рухсат олиш учун электрон ариза такдим этиш;
6. Божхона ҳудудида қайта ишлаш режими остида товарларни жойлаштириш ёки божхона ҳудудидан ташқарида қайта ишлаш ҳақида рухсатнома олиш учун электрон ариза тақдим этиш.